«Галатасарой»нинг собиқ ҳужумчиси Мауро Икарди Лондоннинг «Тоттенхэм» клуби сафида пайдо бўлиши мумкин. Бу ҳақда TEAMtalk хабар бермоқда.

Манба берган маълумотга кўра, «шпорлар» устози Роберто Де Дзерби захирани кучайтириш учун ҳужумчи номзодини кўриб чиқмоқда. Шу билан бирга, инглиз клуби раҳбарияти ушбу трансферга қарши чиқмоқда, чунки улар футболчи илгари ҳеч қачон ўйнамаган Англия чемпионатига мослаша олмайди, деб ҳисоблашмоқда.

«Тоттенхэм» беш тур якунларига кўра АПЛ турнир жадвалининг охирги, 20-поғонасида жойлашган. Жамоа бирорта ҳам ғалаба қозонгани йўқ ва ўз ҳисобида икки очкога эга.

33 ёшли аргентиналик футболчи Истанбул жамоасини тарк этганидан сўнг эркин агент мақомида бўлиб турибди. Икарди 2023 йилдан бери «Галатасарой» шарафини ҳимоя қилиб келаётган эди, бу вақт ичида у тўрт бор Туркия чемпионатида зафар қучди, шунингдек, мамлакат Кубоги ва Суперкубогини қўлга киритди. Илгари ҳужумчи клуб даражасида Италияда «Сампдория» ва «Интер», Францияда эса «ПСЖ» шарафини ҳимоя қилган.