Мадриднинг «Реал» клуби собиқ сардори Начо Фернандес Жозе Моуриньо бошчилигидаги жамоанинг истиқболларини баҳолади.

Португалиялик мураббий жамоани тарк этганидан 13 йил ўтиб, жорий мавсум бошланиши олдидан Испания суперклубига қайтди.

«Моуриньо — ғолиб, у жамоани тўғри йўлга қандай қайтаришни билади. Иккита оғир мавсумдан сўнг «Реал» уни қайтаришга қарор қилганидан ҳайрон бўлмадим», — деди ҳозирда Саудия Арабистонининг «Ал-Кодисия» клубида тўп сураётган Начо Фернандес El Larguero билан суҳбатда.

«Қироллик клуби» Ла Лиганинг етти туридан сўнг 15 очко жамғариб, турнир жадвалида тўртинчи ўринни эгаллаб турибди ва пешқадам «Барселона»дан олти очкога ортда қолмоқда. Якшанба куни Моуриньо жамоаси сафардаги дербида «Атлетико»га имкониятни бой берди (1:2).