Мадриднинг «Реал» клуби собиқ марказий ҳимоячиси Начо Фернандес Криштиану Роналду ҳақидаги фикрлари билан ўртоқлашди.
Илгари испаниялик ва португалиялик футболчилар «Қироллик клуби»да биргаликда тўп суришган бўлса, ҳозирда Саудия Арабистонида турли жамоалар шарафини ҳимоя қилишмоқда: Начо «Ал-Кодисия»да, Роналду эса «Ан-Наср»да ўйнамоқда.
«Роналду қилаётган ишлар — бошқа сайёрадан. Унинг ёшида шундай руҳият ва иштиёқни сақлаб қолиш — бу шунчаки ақлбўвар қилмас ҳолат», — дейди испаниялик футболчининг сўзларини The Touchline нашри.
Келаси йилнинг февраль ойида Криштиану 42 ёшга тўлади, Начо эса январь ойида 37 ёшини нишонлайди.
Таъкидланишича, Роналду то 1000 та гол урмагунича фаолиятини якунламоқчи эмас. Ҳозирда ҳужумчи ҳисобида 979 та урилган гол мавжуд.
