Madridning «Real» klubi sobiq markaziy himoyachisi Nacho Fernandes Krishtianu Ronaldu haqidagi fikrlari bilan o‘rtoqlashdi.

Ilgari ispaniyalik va portugaliyalik futbolchilar «Qirollik klubi»da birgalikda to‘p surishgan bo‘lsa, hozirda Saudiya Arabistonida turli jamoalar sharafini himoya qilishmoqda: Nacho «Al-Kodisiya»da, Ronaldu esa «An-Nasr»da o‘ynamoqda.

«Ronaldu qilayotgan ishlar — boshqa sayyoradan. Uning yoshida shunday ruhiyat va ishtiyoqni saqlab qolish — bu shunchaki aqlbo‘var qilmas holat», — deydi ispaniyalik futbolchining so‘zlarini The Touchline nashri.

Kelasi yilning fevral oyida Krishtianu 42 yoshga to‘ladi, Nacho esa yanvar oyida 37 yoshini nishonlaydi.

Ta’kidlanishicha, Ronaldu to 1000 ta gol urmagunicha faoliyatini yakunlamoqchi emas. Hozirda hujumchi hisobida 979 ta urilgan gol mavjud.