«Аталанта»нинг 25 ёшли ивуариялик марказий ҳимоячиси Одилон Косуну жароҳат олди. Бу ҳақда Pazzi di Fanta хабар берди.

Косуну мушакларидаги муаммо туфайли «Ювентус»га қарши 0:2 ҳисобида якунланган учрашувни ўтказиб юборган эди.

Кейинчалик ўтказилган тиббий текширув натижасида футболчининг чап сон бицепсида ўртадан юқори даражадаги жароҳат аниқланган.

Косуну аллақачон реабилитация курсини бошлади. Унинг тикланиш муддати ҳозирча маълум қилинмаган.

Жорий мавсумда Одилон «Аталанта» сафида барча мусобақаларда 6 та учрашувда майдонга тушди ва самарали ҳаракат қайд этмади.

«Аталанта» А Сериядаги навбатдаги ўйинини 12 октябрь куни ўз майдонида «Венеция»га қарши ўтказади. 15 октябрь куни эса жамоа Конференциялар лигаси доирасида «Пафос»ни қабул қилади.