18 ёшли вингер Рио Нгумоа яқин вақт ичида «Ливерпуль» билан янги шартнома имзолайди. Бу ҳақда TEAMtalk хабар берди.
Манба маълумотига кўра, томонлар футболчини клубда узоқ йиллар сақлаб қолиш мақсадида янги келишув шартларини мувофиқлаштириб бўлган.
Қайд этилишича, «Ливерпуль» ёш истеъдоднинг ўсишини юқори баҳолаётгани сабаб Нгумоанинг шартнома шартлари сезиларли даражада яхшиланади.
Аввалроқ Лондоннинг «Арсенал» клуби ҳам ҳужумчига жиддий қизиқиш билдираётгани хабар қилинган эди.
Жорий мавсумда Нгумоа барча мусобақаларни ҳисобга олганда 5 та учрашувда майдонга тушди, аммо ҳозирча гол ёки голли узатма қайд этмади.
