«Манчестер Юнайтед»нинг собиқ ҳужумчиси Антони Марсьяль фаолиятини Россия Премьер-лигасида давом эттириши мумкин.
L'Équipe хабарига кўра, 30 ёшли француз футболчиси билан ЦСКА ва «Краснодар» музокаралар олиб бормоқда. Ҳар икки клуб Марсьяль билан шартнома имзолашга ҳаракат қилмоқда.
Шу билан бирга, ҳужумчига Испаниянинг «Малага» клуби ва номи ошкор этилмаган яна бир испан жамоаси ҳам қизиқиш билдирмоқда.
Марсьяльнинг сўнгги клуби «Монтеррей» бўлган. У 2025 йил сентябридан 2026 йил июлига қадар Мексика клуби шарафини ҳимоя қилди.
Француз ҳужумчиси «Монтеррей» сафида барча мусобақаларни ҳисобга олганда 20 та учрашувда майдонга тушиб, 1 та гол урди ва 3 та голли узатмани амалга оширди.
