«Арсенал»нинг қанот ҳужумчиси Нони Мадуэке қишки трансфер ойнасида жамоани тарк этмайди. Бу ҳақда Football Insider хабар бермоқда.
Манба маълумотларига кўра, «канонирлар» бош мураббийи Микель Артета футболчининг ўйин амалиёти камлигига қарамай, Мадуэкени қўйворишни хоҳламаяпти.
Олдинроқ вингерга «Атлетико» ва «Ювентус» қизиқиш билдирган эди, аммо Артета ҳар қандай таклифни рад этмоқчи. Бундан ташқари, Мадуэкенинг ўзи ҳам «Арсенал»да қолиш ва таркибдан жой олиш учун курашиш ниятида.
Жорий мавсумда Мадуэке барча турнирларда майдонга тушган бешта ўйинда бир бора рақиблар дарвозасини ишғол қилди.
