«Фрозиноне» голкипери Лоренцо Пальмизанига Италия ва Испания чемпионатлари клублари томонидан қизиқиш билдирилмоқда.

Инсайдер Экрем Конурнинг ижтимоий тармоқлардаги маълумотига кўра, 22 ёшли дарвозабонни ўз сафига қўшиб олишга Туриннинг «Ювентус», Миланнинг «Интер», шунингдек «Наполи» ва «Вильярреал» клублари қизиқиш билдирмоқда.

Пальмизанининг «Фрозиноне» билан шартномаси 2031 йил июнь ойи охиригача мўлжалланган. Дарвозабоннинг трансфер қиймати тўрт миллион еврога баҳоланмоқда.

Италия чемпионатининг жорий мавсумида Лоренцо бешта ўйин ўтказиб, ўз дарвозасидан тўртта тўп олиб чиқди. Иккита учрашувда эса у ўз дарвозаси дахлсизлигини сақлаб қолди.