«Пари Сен-Жермен» голкипери Матвей Сафонов парижликлар клубига ўтганидан сўнг нима учун француз тилини фаол ўрганишни бошлаганини айтиб берди, шунингдек, парижликларнинг баъзи футболчилари русча сўзларни билишини тан олди. Сафонов 2024 йилда «Краснодар»дан «ПСЖ»га ўтган эди.

«Мен француз тилида кўпроқ гапиришни бошладим, шу сабабли жамоадошларимни рус тилига ўргатиш эҳтиёжи қолмади. Йигитлар баъзи сўзларни билишади. Уларни айтмайман, чунки ҳаммаси ҳам цензурадан ўтмайди. Мен учун ўз масалаларимни бу ерда, ватанимда қилганимдек мустақил ҳал қилишни ўрганиш муҳим эди. Агар маҳаллий тилни билмасанг — бу жуда қийин», — деди Сафонов Россия терма жамоасининг YouTube-каналида эълон қилинган видеода.