«Тоттенхэм» футболчиси Эндрю Робертсон жамоа бош мураббийи Роберто Де Дзерби ҳақида фикр билдирди.
«У ниҳоятда амбицияли инсон, бу унинг хатти-ҳаракатларидан ҳам кўриниб турибди. Мураббий совринлар ютишни хоҳлайди, аммо бунинг учун вақт кераклигини ҳам билади. Менимча, бизга шунчаки омад етишмаяпти. Ўтмишни унутиб, олдинга ҳаракат қилишга эътибор қаратишимиз керак», — деди Робертсон Stick to Football подкастида.
Жорий мавсум Англия чемпионатида «Тоттенхэм» бешта ўйин ўтказиб, атиги икки очко жамғарди. «Шпорлар» халқаро танаффусга турнир жадвалининг сўнгги поғонасида йўл олди.
Танаффусдан кейинги илк учрашувда Роберто Де Дзерби жамоаси сафарда «Манчестер Юнайтед»га қарши майдонга тушади.
