Лондоннинг «Арсенал» клуби ҳужумчиси Кай Хаверц жароҳат сабаб Германия терма жамоаси қароргоҳини тарк этади.
Инсайдер Дэвид Орнштейн маълумотига кўра, 27 ёшли футболчи Миллатлар лигасида Нидерландияга қарши 1:1 ҳисобида якунланган учрашувда жароҳат олган.
Дастлабки тахминларга кўра, Хаверцнинг сон орқа қисми пайларида жароҳат бор. Шикастнинг қай даражада жиддий экани тиббий текширувлардан сўнг аниқланади.
Жорий мавсумда Хаверц Англия Премьер-лигасида 5 та учрашув ўтказиб, 2 та гол урган.
Transfermarkt портали футболчининг бозор қийматини 55 миллион еврога баҳоламоқда. Унинг «Арсенал» билан шартномаси 2028 йил июнь ойи охиригача амал қилади.
