Франция терма жамоасининг собиқ ҳимоячиси Рафаэль Варан янги бош мураббий Зинедин Зиданнинг футбол фалсафаси ҳақида фикр билдирди.

«Унинг ёндашувида энг асосий жиҳат — мувозанатни топиш. Зидан ҳужумкор футболчилар жамоага ҳимояда ҳам ёрдам беришини хоҳлайди, аммо шу билан бирга уларнинг ҳужумдаги эркинлигини чекламасликка ҳаракат қилади.

Жамоа тўпга эгалик қилганда у футболчиларга кўпроқ эркинлик беради ва уларнинг инстинктига ишонади. Айниқса, кутилмаган ҳаракатлар ва импровизация Зидан учун жуда муҳим.

Бу унинг ўзида ҳам бор бўлган хусусият. Шу билан бирга, у футболчилардаги бундай сифатларни ҳам яхши кўра олади ва уларнинг майдонда эркин ҳаракат қилиб, ўз ижодкорлигидан фойдаланишига шароит яратади.

Зидан футболчилар ўзини майдонда қулай ва ишончли ҳис қилишини истайди», — деди Варан.

Франция терма жамоаси Зидан бошчилигидаги илк учрашувини 25 сентябрь куни Туркияга қарши ўтказади. Баҳс Тошкент вақти билан 23:45 да бошланади.