«Манчестер Юнайтед»нинг собиқ дарвозабони Давид де Хеа «Манчестер Сити»га нисбатан қўлланилиши мумкин бўлган жазолар ҳақидаги хабарларга ўз муносабатини билдирди.
«Шаҳарликлар» молиявий қоидаларни бузиш бўйича қўйилган 115 та айбловнинг 114 таси бўйича айбдор деб топилди. Назорат органлари томонидан қўлланилиши мумкин бўлган санкциялар орасида ўтган мавсумлардаги очколарни олиб ташлаш, йирик пул жаримаси ва ҳатто Премьер-лигадан четлатиш каби чоралар бор.
«Хўш... Келинг, гаплашиб оламиз. Демак, бундай вазиятда мен нечта АПЛ титулини қўлга киритган бўламан?» — деб ёзди ҳозирда «Фиорентина»да тўп сураётган де Хеа ижтимоий тармоқдаги саҳифасида.
Испаниялик дарвозабон 2011 йилдан 2023 йилгача «Манчестер Юнайтед» шарафини ҳимоя қилган. Ушбу давр мобайнида «қизил иблислар» бир марта чемпионликни қўлга киритишган ва уч марта турнир жадвалида иккинчи ўринни эгаллашган — эътиборлиси, ҳар учала сафарда ҳам улар айнан «Манчестер Сити»дан ортда қолишган эди.
