Франция терма жамоаси бош мураббийи Зинедин Зидан Миллатлар лигаси доирасидаги сафар ўйинида Туркияга қарши кечган ғалабадан (1:0) сўнг ўз таассуротларини билдирди.

«Учранглилар» Килиан Мбаппенинг 54-дақиқада урган голи эвазига зафар қучишди. Ушбу ўйин Зидан учун миллий терма жамоа устози сифатидаги дебют баҳс бўлди.

«Мени ҳаяжон ва ҳис-туйғулар қамраб олмоқда. Биринчи ўйин муваффақиятли ўтди. Биз айнан ўзимиз хоҳлагандек ўйнадик: рақибларга тўп суришга йўл қўймадик, юқоридан прессинг қилдик ва тўпни қайтариб олгач, ундан тўғри фойдаландик. Жами уч яримта биргаликдаги машғулот ўтказган бўлсак-да, жуда кўп қизиқарли жиҳатларни кўрдим. Мен ўйинчилардан мамнунман», – деди Зидан The Touchline нашрига.

28 сентябрь куни французлар сафарда Бельгияга қарши майдонга тушишади.