Франциялик мутахассис Вилли Саньоль Грузия терма жамоаси бош мураббийи лавозимини тарк этди. Бу ҳақда Грузия футбол федерацияси матбуот хизмати хабар берди.
Миллий жамоанинг янги бош мураббийи этиб Рамаз Сванадзе тайинланди. У билан 2028 йил охирига қадар мўлжалланган шартнома имзоланди.
Сванадзе бунга қадар Грузия ёшлар терма жамоасини бошқарган. Унинг қўл остида жамоа икки марта Европа чемпионатининг финал босқичида иштирок этган.
Саньоль эса Грузия терма жамоасини 2021 йилдан буён бошқариб келаётган эди. Унинг раҳбарлигида Грузия ўз тарихида илк бор Европа чемпионатига йўлланма олди. Евро-2024да жамоа нимчорак финалгача етиб борган.
25 сентябрь куни Грузия Миллатлар лигаси доирасида Шимолий Ирландияга 0:1 ҳисобида мағлуб бўлди.
