Мадриднинг «Реал» клуби «Манчестер Сити» атрофидаги вазиятни диққат билан кузатмоқда. ОАВ хабарларига кўра, инглиз клуби 2009–2018 йиллар оралиғида Премьер-лиганинг молиявий қоидаларига оид 115 та айбловнинг 114 таси бўйича айбдор деб топилган.

Sport.es маълумотига кўра, агар «Манчестер Сити»га жиддий санкциялар қўлланса, «Реал» жамоанинг бир қатор футболчиларини ўз сафига қўшиб олишга ҳаракат қилиши мумкин.

«Қироллик клуби»нинг асосий мақсади ҳамон Эрлинг Холанд бўлиб қолмоқда. Бироқ норвегиялик ҳужумчининг «Манчестер Сити» билан узоқ муддатли шартномаси бор ва унда товон пули банди мавжуд эмас. Бу эса эҳтимолий трансферни анча мураккаблаштириши мумкин.

«Реал» Райан Шеркига у 2025 йил ёзида «Манчестер Сити»га ўтишидан олдин ҳам қизиқиш билдирган. Бироқ мадридликлар таркибида унинг позициясида футболчилар етарли экани бу трансферга тўсқинлик қилиши мумкин.

Шунингдек, «Реал» марказий ҳимоячи Йошко Гвардиолга ҳам қизиқмоқда. Унинг «Манчестер Сити» билан шартномаси 2031 йил ёзига қадар амал қилади.

Бундан ташқари, «Сити» ўтган ёзда харид қилган Энцо Фернандес, Эллиот Андерсон ва Айюб Буадди ҳам «Реал» кузатувида бўлиб турибди.