Франция терма жамоаси бош мураббийи Зинедин Зидан Миллатлар лигасида Туркия устидан қозонилган 1:0 ҳисобидаги ғалабадан сўнг дарвозабон Майк Меньян ва ярим ҳимоячи Райан Шеркининг ўйинини алоҳида таъкидлади.

«Меньянми? Унинг ўйинидан жуда мамнунман! Унинг қандай футболчи экани менга ёқади. Бу учрашувда у жуда яхши ўйнади ва ҳал қилувчи роль бажарди. Бизга юқори савияли дарвозабон керак.

Шерки ҳам жуда яхши ўйин ўтказди. Тўп билан у нималарга қодир эканини яхши биламиз. У ўз вазифасини бажарди», — деди Зидан.

Бу Зинедин Зидан учун Франция терма жамоаси бош мураббийи сифатидаги илк учрашув эди. У ЖЧ-2026дан кейин Дидье Дешам ўрнини эгаллаган.

Миллатлар лигасининг 2-турида Франция Бельгияга қарши майдонга тушади, Туркия эса Италия билан баҳс олиб боради. Ҳар икки учрашув 28 сентябрь куни ўтказилади.