Бразилия ва Австралия терма жамоалари Таунсвиллда ўтказилган ўртоқлик учрашувида 1:1 ҳисобида дуранг ўйнади. Баҳс натижасидан кўра, майдоннинг сифати кўпроқ муҳокама қилинди.

Райан учрашувнинг сўнгги дақиқасида бош билан гол уриб, Бразилияни мағлубиятдан қутқариб қолди.

Ўйиндан сўнг Бразилия бош мураббийи Карло Анчелотти чимнинг ҳолатини танқид қилди.

«Майдон яхши ҳолатда эмас эди. Бундай чимда ўйнаш қийин бўлди. Кейинги учрашувга қадар майдон яхшироқ ҳолатга келтирилишига умид қиламиз», — деди Анчелотти.

Австралия бош мураббийи Тони Попович ҳам майдон сифати яхши бўлмаганини тан олди, аммо унинг жамоаси бундай шароитларга кўникиб қолганини таъкидлади.

«Бу Бразилия бўлгани учун улар майдонни кўриб, албатта, норози бўлишади. Лекин мен ҳам кўплаб саралаш ўйинларида майдон ҳолатидан норози бўлганман ва ўйиндан кейин бу ҳақда кимдир гапирганини деярли эшитмаганман», — деди Попович.