Португалия терма жамоаси ҳужумчиси Гонсалу Рамуш Миллатлар лигаси гуруҳ босқичи 2-турида Норвегия устидан сафарда қозонилган 2:1 ҳисобидаги ғалабани изоҳлади.

25 ёшли футболчи 54-дақиқада ғалаба голини урди.

«Ҳар бир вазият муҳим. Энг асосийси — менга имконият берилганда нималарга қодир эканимни кўрсатиш ва жамоага фойда келтириш.

Бу менинг меҳнатим ва жамоага нималар бера олишимнинг кўриниши бўлди. Гап фақат голларда эмас, балки майдонда қиладиган барча ишларим ҳақида кетяпти.

Ғалаба доимо энг муҳим нарса. Норвегиядек жамоага қарши сафарда ўйнаш эса янада қийин. Бу оғир сафарда қўлга киритилган ажойиб ғалаба бўлди.

Биз турнирни жуда яхши бошладик. Биргаликда ишлаяпмиз ва мураббийнинг ғояларини яхши қабул қиляпмиз. Энди янада яхшиланишимиз ва камчиликларни бартараф этишимиз керак.

Биз ҳар бир учрашувда ғалаба қозонишни хоҳлаймиз ва доимо шу мақсадга эътибор қаратамиз», — дея Рамушнинг сўзларини Sport TV келтирди.

Португалия 2 та ўйиндан сўнг 6 очко билан Миллатлар лигаси А дивизиони 4-гуруҳида пешқадамлик қилмоқда. 1 октябрь куни жамоа сафарда Данияга қарши майдонга тушади.