Япония терма жамоаси ўртоқлик учрашувида Венесуэлани 2:1 ҳисобида мағлуб этди. Жамоалар иккинчи бўлим бошида ўзаро гол алмашди, мезбонлар эса қўшиб берилган дақиқаларда ғалабани илиб кетди.
Биринчи бўлим голсиз якунланди. Танаффусдан сўнг Венесуэла ҳисобни тезда очди. 46-дақиқада Кевин Келси Япония дарвозасини ишғол қилиб, жамоасини олдинга олиб чиқди.
Япония деярли дарҳол жавоб қайтарди. 49-дақиқада Аясэ Уэда ҳисобни тенглаштирди — 1:1.
Учрашув тақдири 97-дақиқада ҳал бўлди. Уэда пенальтини аниқ амалга ошириб, дубль қайд этди ва Японияга 2:1 ҳисобидаги ғалабани тақдим қилди.
