Англия Премьер-лигаси томонидан 114 та молиявий қоидабузарликда айбланаётган «Манчестер Сити»га таҳдид солаётган мумкин бўлган санкцияларнинг яна бир варианти маълум бўлди. The Athletic нашри АПЛнинг исми ошкор қилинмаган собиқ топ-менежери билан бўлган шахсий суҳбатга таяниб хабар беришича, клубдан уч йилдан беш йилгача бўлган муддат давомида 20 очкодан 25 очкогача олиб ташланиши мумкин.
Манба маълумотларига кўра, ғоя клубни элит дивизиондан чиқариб юбориш эмас, балки уни турнир жадвалининг ўртасидаги «ўлик зона»да ушлаб туриш ва шу орқали Европа мусобақаларида иштирок этишдан келадиган даромадлардан маҳрум қилишдан иборат. Олдинроқ энг ёмон сценарийда «Сити» профессионал футболдан четлатилиши мумкинлиги ҳақида хабар берилган эди.
