2020 йил бошида УЕФА 2012–2016 йиллар оралиғида ҳомийлик шартномалари даромадларини ошириб кўрсатгани учун «Манчестер Сити»ни Чемпионлар лигасидан четлатиш ҳақида қарор қабул қилган эди. Кейинчалик «шаҳарликлар» Спорт арбитраж судида (CAS) УЕФА қарори устидан муваффақиятли шикоят қилишган. Ла Лига раҳбари Хавьер Тебас ушбу масалани қайта кўриб чиқишга чақирди.

«Менинг фикримча, Спорт арбитраж судининг қарори қайта кўриб чиқилиши керак, чунки у УЕФА томонидан қўлланилган санкцияни бекор қилган эди. Бу жуда шубҳали қарор бўлган. Энди эса УЕФА ҳақ бўлгани ўз исботини топди», — деди Тебас Goal порталига берган интервьюсида.

Чемпионлар лигасининг 1-турида «Манчестер Сити» сафарда «Порту»ни 2:0 ҳисобида мағлубиятга учратди.