Дортмунднинг «Боруссия» клуби қанот ҳимоячиси Даниэль Свенссон Европанинг етакчи клублари томонидан унга билдирилаётган қизиқиш ҳақида фикр билдирди.
Аввалроқ ОАВда 24 ёшли швециялик футболчига «Манчестер Юнайтед», «Ливерпуль» ва «Арсенал» клублари қизиқиш билдираётгани ҳақида хабарлар тарқалган эди.
«Бу ҳақда эшитдим, аммо ҳеч қандай аниқ гап бўлмади. Мен ҳам бу хабарларни фақат газеталарда кўрдим. Дортмундда ўзимни яхши ҳис қиляпман ва бу ердаги фаолиятимни давом эттиришни интиқлик билан кутяпман. Ёзда бошқа клубга ўтишга яқин бўлганмидим? Йўқ», — деди Свенссон SVT Sport телеканалига.
Жорий мавсумда ҳимоячи барча мусобақалар доирасида еттита учрашувда майдонга тушиб, битта гол урди ва битта голли узатмани амалга оширди.
