Dortmundning «Borussiya» klubi qanot himoyachisi Daniel Svensson Yevropaning yetakchi klublari tomonidan unga bildirilayotgan qiziqish haqida fikr bildirdi.
Avvalroq OAVda 24 yoshli shvesiyalik futbolchiga «Manchester Yunayted», «Liverpul» va «Arsenal» klublari qiziqish bildirayotgani haqida xabarlar tarqalgan edi.
«Bu haqda eshitdim, ammo hech qanday aniq gap bo‘lmadi. Men ham bu xabarlarni faqat gazetalarda ko‘rdim. Dortmundda o‘zimni yaxshi his qilyapman va bu yerdagi faoliyatimni davom ettirishni intiqlik bilan kutyapman. Yozda boshqa klubga o‘tishga yaqin bo‘lganmidim? Yo‘q», — dedi Svensson SVT Sport telekanaliga.
Joriy mavsumda himoyachi barcha musobaqalar doirasida yettita uchrashuvda maydonga tushib, bitta gol urdi va bitta golli uzatmani amalga oshirdi.
