Мадриднинг «Реал» клуби ярим ҳимоячиси Орельен Тчуамени фаолиятини «Ливерпуль»да давом эттириши мумкин.

TEAMtalk хабарига кўра, француз футболчиси «Реал» билан шартномасини 2031 йилга қадар узайтиришни режалаштираётган бўлса-да, «Ливерпуль» унинг атрофидаги вакиллар билан алоқани сақлаб турибди.

Мерсисайдликлар Тчуаменига анчадан буён қизиқиб келади. Клуб ёзги трансферлар ойнасида ҳам уни сотиб олиш бўйича музокаралар олиб борган, аммо келишув амалга ошмаган.

Турли манбалар маълумотига кўра, «Реал» 26 ёшли ярим ҳимоячи учун 80 миллион евро атрофидаги таклифларни кўриб чиқиши мумкин.

Жорий мавсумда Тчуамени барча мусобақалар доирасида тўртта учрашувда майдонга тушди, аммо гол ёки голли узатма билан ажралиб турмади.