Килиан Мбаппе Франция терма жамоасининг Туркияга қарши учрашувида жароҳат олган эди. «Реал»да юлдуз футболчига жарроҳлик амалиёти керак бўлиб қолишидан хавотир бор эди. Бироқ, бахтга кўра, Мбаппе операциядан қутулиб қолди. Бу ҳақда AS нашри хабар берди.

Тиббий текширув натижаларига кўра, агар Мбаппе Туркияга қарши ўйинда алмаштирилмай, майдонда қолганида, у жуда жиддий жароҳат олиш хавфи остида бўлган. Бундай жароҳат уни мавсумнинг катта қисмидан маҳрум қилиши мумкин эди.

«Реал» Франция терма жамоаси тиббий штаби билан алоқада бўлган ва Мбаппега операция керак эмаслиги маълум бўлгач, клубда енгил тортишган.

Француз ҳужумчисининг тикланиши учун 10–12 кун керак бўлади. Шу боис у «Вильярреал»га қарши навбатдаги учрашувда майдонга тушиши ҳам мумкин.