Италия терма жамоаси ҳимоячиси Жоржо Скальвини ўз тараққиёти ҳақида фикр билдирди. Футболчининг сўзларига кўра, у Жоржо Кьеллини ва Леонардо Бонуччи каби футболчилардан кўп нарса ўрганган.
«Улар футбол афсоналари. Улар билан бирга машғулот ўтказганимдан бахтлиман. Бонуччи ҳануз терма жамоа мураббийлар штабида ишлайди», — дея Скальвинининг сўзларини Goal портали келтирмоқда.
Шунингдек, Скальвини ўз тараққиётига «Аталанта»нинг амалдаги бош мураббийи Маурицио Сарри ҳам ёрдам берганини таъкидлади.
«Сарри қўл остида тўрт ҳимоячидан иборат тизимда ўйлаш менга ёрдам бермоқда. Қанча кўп ўргансам, шунча яхши бўламан», — деди Скальвини.
Италия терма жамоаси навбатдаги учрашувини 2 октябрь куни Францияга қарши ўтказади.
