Англия терма жамоаси ҳужумчиси Айвен Тоуни Лондон марказидаги тунги кўнгилочар масканда бир эркакка ҳужум қилганлик бўйича ўз айбини тан олмади.
«Ал-Аҳли» футболчисига тан жароҳати етказиш билан боғлиқ ҳужум содир этганлик айблови қўйилган. Иш 6 декабрь куни Лондоннинг Сохо туманидаги Уордор-стрит кўчасида жойлашган масканлардан бирида юз берган ҳодиса билан боғлиқ.
Аввалроқ Тоуни бардаги ташриф буюрувчилардан бири билан келиб чиққан можародан сўнг қўлга олингани хабар қилинган эди.
Вестминстер магистратлар судида 30 ёшли футболчи шахсий маълумотларини тасдиқлади ва Сабер да Силвага тан жароҳати етказишга сабаб бўлган ҳужум бўйича ўзини айбсиз деб ҳисоблашини билдирди.
Округ судьяси Брайони Кларк иш магистратлар судида ҳам кўриб чиқилиши мумкинлигини таъкидлади. Бироқ Тоуни ишнинг судья ва ҳакамлар иштирокида Қироллик судида кўриб чиқилишини талаб қилди.
Айвен Тоуни 29 октябрга белгиланган Саутуарк Қироллик судидаги эшитувга қадар гаров эвазига озод қилинди.
