Франция терма жамоасининг собиқ футболчиси Тьерри Анри Зинедин Зиданнинг миллий жамоа бош мураббийи этиб тайинланиши ҳақида фикр билдирди.

"Зизунинг келиши — ақлбовар қилмас воқеа. Футболда Худога ўхшаш даражадаги инсоннинг жамоада бўлиши — жуда катта воқеа. Бу гапим билан диний жиҳатдан ҳеч кимни хафа қилмоқчи эмасман, аммо биз учун футболда у ҳақиқатан ҳам Худо даражасидаги шахс", — деди Анри Rothen s’enflamme эфирида.

54 ёшли Зидан жорий йилнинг июль ойида Дидье Дешам ўрнини эгаллаб, Франция терма жамоаси бош мураббийи бўлган эди.

Зидан қўл остида Франция терма жамоаси Миллатлар лигаси гуруҳ босқичида Туркияни 1:0 ва Бельгияни 1:0 ҳисобида мағлуб этди.

2 октябрь куни французлар Италия терма жамоасига қарши майдонга тушади.