Мадриднинг "Реал" клуби ярим ҳимоячиси Арда Гюлер сентябрь ойи якунларига кўра жамоанинг энг яхши футболчиси деб топилгани ҳақида фикр билдирди.
"Мадриднинг "Реал" клубида ойнинг энг яхши футболчиси бўлиш — мен учун катта фахр", — дея Гюлернинг сўзларини Madrid Zone келтирди.
Сентябрь ойида туркиялик футболчи Испания чемпионатида тўртта учрашувда иштирок этиб, иккита голли узатмани амалга оширди.
Умуман олганда, Гюлер жорий мавсум Ла Лигада еттита ўйинда бир гол урди ва учта голли узатма берди.
Етти турдан кейин "Реал" 15 очко билан турнир жадвалида тўртинчи ўринни эгаллаб турибди. Жамоа пешқадам "Барселона"дан олти очко ортда қолмоқда.
