Мадриднинг «Реал» клуби ярим ҳимоячиси Арда Гюлер жамоадоши Тибо Куртуа ҳақида фикр билдирди.
«Куртуа — барча даврларнинг энг буюк дарвозабонларидан бири. Мен унга жуда катта ҳурмат билан қарайман», — дея Гюлернинг сўзларини Madrid Xtra келтирди.
Бельгиялик дарвозабон жорий мавсумда барча мусобақалар доирасида саккизта ўйинда майдонга тушиб, тўққизта гол ўтказиб юборди. У бир учрашувда ўз дарвозаси дахлсизлигини сақлаб қолди.
Куртуа 2018 йилдан буён «Реал» шарафини ҳимоя қилиб келмоқда. Унинг клуб билан амалдаги шартномаси жорий мавсум якунида ўз ниҳоясига етади.
