«Наполи» ярим ҳимоячиси Скотт Мактоминай келаси ёзда клубни тарк этиши мумкин. Бу ҳақда TuttoMercatoWeb хабар берди.
30 ёшли шотландиялик футболчининг «Наполи» билан шартномаси 2028 йилга қадар амал қилади. Агар томонлар келишувни узайтириш борасида бир тўхтамга кела олмаса, футболчи сотилиши ёки кейинчалик эркин агент сифатида клубни тарк этиши мумкин.
Мактоминай йилига тахминан 8 миллион евро маош олишни истамоқда. Бу миқдор «Наполи» президенти Аурелио де Лаурентис таклиф қилишга тайёр бўлган маошдан юқори. Шу сабабли шартномани узайтириш эҳтимоли паст баҳоланмоқда.
«Наполи» ярим ҳимоячини 25–30 миллион еврога баҳоламоқда. Ўтган ёзда унга «Манчестер Юнайтед» ва «Астон Вилла» қизиқиш билдирган эди.
Айни пайтда Мактоминай юрагида ўтказилган кичик жарроҳлик амалиётидан сўнг тикланмоқда. Футболчи аста-секин машғулотларга қайтмоқда.
