«Наполи» ҳужумчиси Ноа Ланг ўзининг ҳозирги ҳолати ҳақида фикр билдирди.

«Менимча, мен ҳар қандай жамоа ўз сафида кўришни истайдиган футболчиман. Ўз даражамда ўйнасам, исталган рақибни енгиб ўта оламан. Ҳамма кўришга одатланган ўша Ноа Лангга яна айланишни жуда истайман. Энди ҳаммаси ўзимга боғлиқ, бор кучимни беришим керак», — дея футболчининг сўзларини Goal портали келтирди.

«Сўнгги бир йил жуда қийин ўтди. Агар ҳаммаси осон бўлди десам, ёлғон гапирган бўламан. Шахсан ўзим бир йилдан бери ривожлана олмаяпман, деб ҳис қиламан».

Жорий мавсумда «Наполи» билан шартномаси 2030 йилга қадар амал қиладиган футболчи клуб миқёсида 5 та учрашувда майдонга тушди, аммо гол ёки голли узатма билан ажралиб турмади.