«Napoli» hujumchisi Noa Lang o‘zining hozirgi holati haqida fikr bildirdi.

«Menimcha, men har qanday jamoa o‘z safida ko‘rishni istaydigan futbolchiman. O‘z darajamda o‘ynasam, istalgan raqibni yengib o‘ta olaman. Hamma ko‘rishga odatlangan o‘sha Noa Langga yana aylanishni juda istayman. Endi hammasi o‘zimga bog‘liq, bor kuchimni berishim kerak», — deya futbolchining so‘zlarini Goal portali keltirdi.

«So‘nggi bir yil juda qiyin o‘tdi. Agar hammasi oson bo‘ldi desam, yolg‘on gapirgan bo‘laman. Shaxsan o‘zim bir yildan beri rivojlana olmayapman, deb his qilaman».

Joriy mavsumda «Napoli» bilan shartnomasi 2030 yilga qadar amal qiladigan futbolchi klub miqyosida 5 ta uchrashuvda maydonga tushdi, ammo gol yoki golli uzatma bilan ajralib turmadi.