«Ливерпуль» 2025 йил ёзида ҳужумкор ярим ҳимоячи Флориан Вирцни сотиб олиш учун 125 миллион евро сарфлаган эди. Бироқ орадан бир йилдан кўпроқ вақт ўтганига қарамай, германиялик футболчи «Энфилд»да ҳали кутилган даражада порлай олмади.
Вирц «Ливерпуль» сафида 55 та ўйинда майдонга тушиб, 7 та гол урди ва 11 та голли узатмани амалга оширди.
Агар футболчи ўз ўйинини жиддий равишда яхшиламаса, «Ливерпуль» келаси ёзги трансферлар ойнасида у билан хайрлашиши мумкин.
«Бизнинг маълумотларимизга кўра, Вирцнинг қишда трансфер қилиниши истисно этилган. Агар унинг ўйинида кутилган ўсиш кузатилмаса, 2027 йил ёзи муносиб вақт бўлиши мумкин», — дейилади Sport Bild нашри хабарида.
23 ёшли Флориан Вирцнинг ҳозирги трансфер қиймати Transfermarkt портали томонидан 100 миллион еврога баҳоланмоқда.
