Аргентина терма жамоасида «Бока Хуниорс»нинг 19 ёшли футболчиси Леонель Флорес дебют қилди.
У бу борада Диего Марадона ва Лионель Мессининг кўрсаткичларини ҳам ортда қолдирди. Гап шундаки, Флореснинг клуб сафида профессионал футболчи сифатидаги илк ўйини билан миллий терма жамоадаги дебюти орасида атиги 76 кун ўтди. Марадона ва Мессида эса бу оралиқ узоқроқ бўлган.
Бироқ Аргентина футболи тарихида миллий терма жамоада профессионал клубдаги дебютидан ҳам олдин майдонга тушган футболчилар бўлган.
Бундай ҳолатларнинг энг машҳури Хавьер Маскерано билан боғлиқ. У Аргентина терма жамоасида «Ривер Плейт» сафидаги профессионал дебютидан 18 кун олдин илк ўйинини ўтказган.
