2028 йилдан Италиянинг «Милан» клуби техник ҳомийсини ўзгартириши мумкин. Жамоанинг янги техник ҳамкори Германиянинг Adidas компанияси бўлиши эҳтимол қилинмоқда.
Бу томонларнинг биринчи ҳамкорлиги бўлмайди. «Милан» ва Adidas 1970-йиллардан буён ҳамкорлик қилиб келган. Томонлар ўртасидаги энг муваффақиятли даврлардан бири 1990-йилларга тўғри келган. Ўша пайтда «Милан» Европанинг энг кучли клубларидан бири ҳисобланган.
«Милан»нинг Adidas билан ҳамкорлиги давридаги энг машҳур либосларидан бири 2011/12 йилги мавсумдаги форма ҳисобланади. Ўша мавсумда «Милан» Италия чемпионига айланган эди.
Сўнгги йилларда эса Италия гранди Puma билан ҳамкорлик қилиб келмоқда. Клуб ушбу техник ҳомий билан 2018 йилдан бошлаб шартнома имзолаган.
Айни вақтда «Милан» Италия чемпионати — А Серия жадвалида 5-ўринни эгаллаб турибди.
