"Рома" ярим ҳимоячиси Бриан Кристанте тиззасидан олган жароҳати сабабли сафдан чиқди. Бу ҳақда журналист Жанлука Ди Марцио сайти хабар берди.
Шу тариқа, футболчи А Серия доирасида "Комо"га қарши бўлиб ўтадиган навбатдаги учрашувда Рим жамоасига ёрдам бера олмайди. Кристанте жароҳати туфайли Миллатлар лигаси гуруҳ босқичи ўйинлари учун Италия терма жамоаси қароргоҳига ҳам бормаган.
Жорий мавсумда 31 ёшли ярим ҳимоячи Италия чемпионатида 5 та ўйин ўтказди, аммо гол ёки голли узатма билан ажралиб турмади.
"Комо" — "Рома" учрашуви 11 октябрь, якшанба куни бўлиб ўтади. Айни пайтда "Комо" А Серия турнир жадвалида 8-ўринни, "Рома" эса 1-ўринни эгаллаб турибди.
