«Реал»нинг собиқ мураббийи Давиде Анчелотти Жозе Моуринью қўл остидаги «қаймоқранглилар» ўйини ҳақида фикр билдирди.
«Менинг «Реал» ҳақида айтган ҳар бир гапим танқид сифатида қабул қилинишини истамайман. Аммо майдонда Модрич ёки Кроос бўлган пайтда тўп доимо бўш ҳудудларга етказиб бериларди. Мен «Реал»нинг ҳозирги футболчиларини танқид қилмоқчи эмасман, аммо вертикал футбол учун аниқ пас бера оладиган ўйинчи керак», — дея Анчелоттининг сўзларини Diario AS нашри келтирди.
Етти тур якунларига кўра, «Реал» Испания Ла Лигасида 15 очко тўплаб, тўртинчи ўринда бормоқда. Моуринью жамоаси пешқадам «Барселона»дан олти очко ортда қолмоқда.
