«Лилль» бош мураббийи ва Бразилия терма жамоаси устози Карло Анчелоттининг ўғли Давиде Анчелотти «Барселона»нинг ўйинларини томоша қилиш унга ёқадими, деган саволга жавоб берди.
«Менга вертикал футбол ёқади. Ҳозир «Барселона» айнан шундай ўйнамоқда. Албатта, уларнинг ўйинларини томоша қилиш менга ёқади. Бу жамоага қарши ўйинларда қийинчиликларга ҳам дуч келганман. Рафиньянинг ҳужумчи позициясидаги ўйини, унинг бўш ҳудудларга очилиб киришлари менга ёқади», — деди Анчелотти Diario AS нашрига берган интервьюсида.
«Барселона» Испания чемпионатининг янги мавсумида дастлабки еттита ўйиннинг барчасида ғалаба қозонди ва турнир жадвалида пешқадамлик қилмоқда. Жамоа ҳисобида 21 очко бор.
10 октябрь куни Ханс-Дитер Флик шогирдлари «Хетафе»ни қабул қилади. Саккизинчи тур учрашуви Тошкент вақти билан соат 21:30 да бошланади.
