«Комо»да жорий мавсум охирига қадар Дортмунднинг «Боруссия» клубидан ижарага олинган бразилиялик ҳимоячи Ян Коутунинг ўйинидан мамнун.
Инсайдер Экрем Конурнинг ижтимоий тармоқларда маълум қилишича, Италия клуби раҳбарияти келаси ёзда Коутуни 22 миллион еврога сотиб олиш имкониятини кўриб чиқиши мумкин.
24 ёшли ҳимоячи Сеск Фабрегас жамоасининг асосий футболчиларидан бири ҳисобланади. Жорий мавсум Италия чемпионатида Коуту бешта ўйинда майдонга тушиб, битта голли узатмани амалга оширди ва битта сариқ карточка олди.
Айни пайтда «Комо» 10 очко билан А Серия турнир жадвалида саккизинчи ўринни эгаллаб турибди.
