«Манчестер Юнайтед» собиқ футболчиси Пол Скоулз, агар «Манчестер Сити» текширилаётган молиявий қоидабузарликлар даврида қўлга киритган Англия Премьер-лигаси чемпионликларидан маҳрум этилса, чемпионлик медалини олишни исташини айтди.
«Собиқ жамоадошларимнинг «улардан совринларни олиб қўйиш керак», деб айтишларини доим эшитаман, аммо ўзлари медал олишни хоҳламайди... Ҳаммасига қўл силтадим. Мен очкўзман — ўз медалимни хоҳлайман», — деб ёзди собиқ ярим ҳимоячи ижтимоий тармоқларда.
Эслатиб ўтамиз, аввалроқ мустақил комиссия «Манчестер Сити»ни Англия Премьер-лигасининг молиявий қоидаларини бузишда айбдор деб топган эди. Бироқ клубга нисбатан якуний жазо ҳозирча белгиланмаган.
