Миллатлар лигаси учрашувида Финляндия терма жамоаси Албания устидан 2:1 ҳисобида иродали ғалабага эришди.
Албания 4-дақиқадаёқ ҳисобни очди. Рэй Манай имкониятдан унумли фойдаланиб, жамоасини олдинга олиб чиқди. Бироқ 26-дақиқада Лео Валта ҳисобни тенглаштирди.
Учрашув тақдирига 22-дақиқада Албания дарвозабони Этрит Беришенинг қизил карточка олиб, майдондан четлатилгани катта таъсир кўрсатди. Бир киши кам бўлиб қолган албанлар ҳимояда тобора кўпроқ қийинчиликка дуч келди.
Финляндиянинг иккинчи голини ҳам Валта киритди. Ярим ҳимоячи 71-дақиқада ўзининг иккинчи голини уриб, мезбонларга ғалаба келтирди.
