"Монако" ва АҚШ терма жамоаси ҳужумчиси Фоларин Балогун яқин трансфер ойнасида клубини алмаштириши мумкин. Бу ҳақда журналист Экрем Конур ижтимоий тармоқларда хабар берди.
Манба маълумотига кўра, америкалик форвардни Туриннинг "Ювентус", "Эвертон", шунингдек, Саудия Арабистонининг "Аy-Наср" ва "Ал-Иттиҳод" клублари ўз сафига қўшиб олишга қизиқмоқда.
Transfermarkt портали Балогуннинг бозор қийматини 50 миллион еврога баҳоламоқда. Унинг "Монако" билан амалдаги шартномаси 2028 йил июнь ойи охирига қадар мўлжалланган.
25 ёшли ҳужумчи ўтган мавсум Франция чемпионатида 30 та учрашувда майдонга тушиб, 13 та гол урди ва 4 та голли узатма амалга оширди.
