Миллатлар лигаси гуруҳ босқичида Ирландия ва Исроил терма жамоалари ўртасидаги учрашувда можароли ҳолат юз берди. Ирландия термасининг жисмоний тайёргарлик бўйича мураббийи Дэмьен Дойлнинг айтишича, рақиб жамоа футболчиларидан бири унга тупурган.

Ҳодиса стадионнинг трибуна остидаги ҳудудида содир бўлган. Воқеага арена хавфсизлик хизмати ходимлари ва полициячилар гувоҳ бўлган. Учрашув Сербияда нейтрал майдонда ўтказилган. Футболчининг исми ошкор қилинмаган.

Бундан ташқари, Ирландия терма жамоаси бош мураббийи Хеймир Хадльгримссон исроиллик футболчиларни мунтазам провокацияларда айблади.

"Менимча, уларнинг режаси айнан шу эди — бизни қўрқитиш ва қандайдир аҳмоқона ҳаракатга ундаш учун провокация қилиш", — дея мутахассиснинг сўзларини Irish Mirror келтирди.

Учрашув 1:1 ҳисобида якунланди. Биринчи даврада Ирландия рақибини 3:0 ҳисобида мағлуб этган эди. Ўша баҳс ҳам нейтрал ҳудудда — Венгрияда ўтказилган.