"Барселона"нинг собиқ футболчиси, айни пайтда Бельгия терма жамоаси бош мураббийи Марк ван Боммел Лионель Мессининг Аргентина терма жамоасидан кетиши ҳақида фикр билдирди.
"Месси билан бирга ўйнаганимдан бахтлиман. Биз Чемпионлар лигаси финалида ғалаба қозонганмиз, аммо у жароҳати сабаб ўша учрашувни ўтказиб юборган ва трибунада бўлган эди. У билан бир кийиниш хонасини бўлишганимдан жуда хурсандман", — деди ван Боммел матбуот анжуманида.
Аввалроқ 39 ёшли Месси миллий терма жамоадаги фаолиятини якунлашини эълон қилган эди. Кейинчалик Аргентина терма жамоаси бош мураббийи Лионель Скалони ва Аргентина футбол федерацияси президенти Клаудио Тапия Мессини хайрлашув учрашувида майдонга тушишга кўндиргани маълум бўлди.
Месси Аргентина терма жамоаси либосида сўнгги бор 7 октябрь куни майдонга тушади. Шу куни Аргентина Бенинга қарши ўртоқлик учрашуви ўтказади. Баҳс Ўзбекистон вақти билан соат 04:00 да бошланади.
