"Барселона" ҳимоячиси Жюль Кунде клубини алмаштириши мумкин. Франциялик футболчига Англиянинг бирданига бешта топ-клуби — "Челси", "Арсенал", "Ливерпуль", "Манчестер Сити" ва "Манчестер Юнайтед" қизиқиш билдирмоқда.
Журналист Ллуис Минельсанцнинг маълум қилишича, ҳозирча "Барселона"га расмий таклифлар келиб тушмаган. Кунденинг ўзи каталонияликлар сафида қолишни истайди, бироқ бу масала фақат унга боғлиқ эмас.
Футболчининг келажаги бўйича якуний қарорни "Барселона" мураббийлар штаби қабул қилади.
Қайд этилишича, "кўк-анорранглилар" Кундени фақат клуб учун манфаатли таклиф келиб тушган тақдирдагина қўйиб юборишга тайёр.
