Испания терма жамоаси бош мураббийи Луис де ла Фуэнте Хорватияга қарши учрашув олдидан Миллатлар лигасининг янги формати ҳақида фикр билдирди.
«Мен рақобатни яхши кўраман, аммо бу масалада фикрим ўзгармади. Ўн кун ичида тўртта учрашув ўтказиш — жуда кўп. Аввалги формат менга кўпроқ ёқарди.
Бироқ биз шикоят қилмоқчи эмасмиз — вазиятга мослашишимиз керак. Тақвим шундай тузилган экан, юзага келадиган қийинчиликларни ҳисобга олган ҳолда қарорлар қабул қиламиз», — деди де ла Фуэнте.
Испания Миллатлар лигасининг жорий мавсумида ўтказган учта учрашувининг барчасида ғалаба қозонди. Аввалига Англия 3:2 ҳисобида мағлуб этилди, кейин Хорватия устидан 4:1 ҳисобида ғалаба қозонилди. Учинчи турда эса испанияликлар Чехияни 3:1 ҳисобида енгди.
