Ҳужумчи Лионель Месси ўтган тунда Аргентина терма жамоаси сафидаги хайрлашув учрашувини ўтказди. АҚШнинг "Интер Майами" клуби матбуот хизмати ушбу воқеага бағишлаб махсус пост эълон қилди.
"Буюклик учун курашда финал ҳуштаги бўлмайди. Лео Месси, Майамида кўришамиз", — дейилади MLS клубининг ижтимоий тармоқлардаги хабарида.
Аргентина ва Бенин терма жамоалари ўртасидаги учрашув 7 октябрь куни Буэнос-Айресда бўлиб ўтди. Аргентина терма жамоаси африкалик рақибини 3:0 ҳисобида мағлуб этди.
39 ёшли Месси хайрлашув баҳсида битта гол урди ва иккита голли узатмани амалга оширди.
Лионель Месси Аргентина терма жамоаси сафида жами 208 та ўйин ўтказиб, 126 та гол урган.
